Sjónarmið pabbana??

Sami gamli prófíllinn enn í gangi á Íslandi í málefnum er varða börn.

Enn í dag á Íslandi 2009 eru ENGÖNGU konur spurðar og kallaðar til ráðgjafar hvernig best er að uppfæra löggjöf hér á landi til nútímans og heimildir (vegvísi) til handa dómara til að leysa úr hagsmunaárekstrum sem kunna að koma upp á milli foreldra við skilnað/ sambúðarslit.

Ótrúlegt að sérstaklega hér sé ekki gætt jafnræðisreglu og jafnri kynjaskiptingu.

Útilokað er að konur einar geti verið ráðgefandi í svona máli (fulltrúar aðeins annars hagsmunahópsins) og beinlínis aðför að feðrum eða hreinn brandari.

Ekki get ég ímyndað mér að nokkur réttsýn kona samþykki setu í svona skipaðri nefnd.

Þær konur vita nefnilega, að það hallar enn hræðilega og dapurlega á feður ... bæði lagalega og ekki síst í útfærslu þessara mála/framfylgni á Íslandi (sem og víða annars staðar í heiminum reyndar).

Aðalatriðið er að börnin hafa fyrst og í algerum forgangi, ótvíræðan og sjálfstæðan rétt til foreldra sinna og ber yfirvöldum að tryggja börnum það að lögum og jafnframt í framkvæmd (með lögskipaðri eftirfylgni).

Foreldrar hafa síðan jafnan rétt til barna sinna hafi þau ákveðið að skilja (eða slíta sambúð) en börnin eiga ekki að verða "leiksoppar" duttlunga óánægðra foreldra sem beita börnunum fyrir sig ... eins og alveg sérstaklega er algengt af hálfu móður og hefur verið svo lengi sem menn muna.

Þetta vitum við öll og aðeins fáar konum hafa tjáð sig um svona mál opinberlega. 

Virðingarfyllst,

Jakob-Páll Jóhannsson

  

Endurskoða reglur um forsjá, búsetu og umgengni

Athugasemdir

[Sóley Björk Stefánsdóttir, 8.1.2009 kl. 21:32]

Ég er alveg sammála þér, þetta er mjög ófaglegt og til þess eins að viðhalda núverandi misrétti.

[Jakob-Páll Jóhannsson, 9.1.2009 kl. 10:50]

Takk fyrri athugasemd þína Sóley.

Hún gladdi mig og styrkir þann málstað sem hún stendur fyrir ... sem vonandi fyrr eða síðar mun ná í gegn og verða loks börnun okkar í þeirri nútíð og til framtíðar til ómældrar gleði. 

Ég trúi að hópurinn sé stór og af báðum kynjum, sem deilir þessari afstöðu með okkur, en vegna mjög sterkrar hefðar þurfum við karlar/feður mjög á konum eins og þér að halda til þess brjóta "vígin" ... hefja máls á þessu opinberlega og kynna skýrleika þessarar sýnar og ávinning fyrir heildina.