Gegnheill velvilji - ákveðin blinda - góð ræða!

Ekki efast undirritaður um velvilja Jóhönnu Sigurðardóttur til handa þjóðinni, gríðarlegt vinnuframlag, ósérhlífni og heiðarleika.

Mér líkar hins vegar alls ekki og engan veginn aðferðafræði Jóhönnu sem hún hyggst nota og ögrar að mínu mati þingræðinu. Ég við það þegar Jóhanna ætlast til þess (eins og fram hefur komið í fréttum) að allir stjórnameðlimir ríkisstjórnar hennar "tali einu máli" í svar-frumvarpi ríkisstjórnar hennar til handa Bretum og Hollendingum - og nýjustu viðbrögðum þeirra við samþykktum alþingis frá því í sumar. 

Sú samþykkt er í fullu gildi, stendur ... fengin fram að fullum þingræðisreglum og með virðingu fyrir óheftu eðlilegu tjáningarfrelsi ... hornsteinum Stjórnarskrárinnar.

Þess vegna skilst mér að Ögmundur Jónsason hafi sagt skilið við ríkisstjórn Jóhönnu og ekki furða!

Að mínum dómi ættu allir sem telja sig "fullgilda", frjálsa og sjálfstæða einstaklinga - kjörna til Alþingis af þjóðinni og bera virðingu fyrir sjálfum sér, að gera slíkt hið sama ... sjái Jóhanna ekki að sér hér og skýri málið/breytinguna þingheimi og þjóðinni.

Telji Bretar og Hollendingar samþykkt þingsins "ósanngjarna" er þeim opinn kosturinn að senda málið til dómstóla ... en þar á máið best heima.

Ræða forsætisráðherra þótti mér heilsteypt og góð ... þó ekki sé öllum leiðum hennar sammála.

Slök þótti mér hins vegar orðræða formanns Sjálfstæðisflokksins ... þótt góðan vilja vanti ábyggilega ekki ... en Maður lærir ekki að vera foringi - maður er foringi  ... að eðlisupplagi!

Vill óráðsíu og græðgi burt

Athugasemdir

[Sigurður Haraldsson, 5.10.2009 kl. 23:32]

Að sjálfsögðu megum við ekki fá yfir okkur aftur sömu flokka og voru fyrir ef allt springur, þjóðstjórn er það eina sem getur verið í stöðunni þá er von til þess að við látum ekki kúgun verða okkur að fjörtjóni. Þras og rifrildi eins og okkur er boðið gengur ekki lengur.