Verndum þetta fé ...

Tek undir það með fjölda fólks sem tjáð hefur sig um málið, að okkur ber að vernda þetta fé.

Ég skora á landbúnaðarráðherra, Jón Bjarnason að banna umsvifalaust slátrun þess og fyrirskipa a.m.k. tímabundið, endurflutnings fjárins til þess heima og lágmarks eftirlit.

Síðan yrði málið skoðað og metið með vitrænum hætti m.a. með tilliti til sérstöðu í þróun náttúru og framtíðargildis, sem stutt gæti sérstöðu og ferðaþjónustu á Vestfjörðum.

 

Nítján kindur heimtar af Tálkna

Sjúkleg stífni Bandaríkjanna ... kúgaður kjánaskapur Ísraels.

Ótrúleg afstaða Bandaríkjanna ennþá árið 2009 og minnisvarði sjúklegrar stífni/þráhyggju þeirra ... þrátt fyrir endurteknar áskoranir um breytingar ... nú 187 þjóða Sameinuðu þjóðanna.

Áhugavert væri að heyra skýringar Obama á þessari afstöðu.

Maður er hugsi ... eiginlega dapur og spyr sig: 

"Getur þessi annars lofandi nýji forseti Bandaríkjanna - slíkrar afstöðu - þá nokkuð aukið vonir umheimsins eftir allt um langþráða lausn mála fyrir botni Miðjarðarhafs"?

Gegn viðskiptabanni í 18 ár

Eðlilegar og tímabærar vangaveltur.

Tek undir það með Steingrími, að opna enn frekar fyrir þennan möguleika og valfrelsi hans ... með nýju og hærra þaki.

Þetta má ekki vera hugsað sem skammtímalausn, til þess að almenningur gangi enn nærri sparnaði sínum í tregðu og ósamkomulagi ríkisstjórnarinnar til almennra aðgerða og eðlilegrar leiðréttingar á verðtryggðum húsnæðislánum eða húsnæðislánum í erlendri mynnt ... brostinna forsenda eftir hrun.

Þessi valmöguleiki fyrir hlutaðeigandi má ekki koma í staðinn fyrir eðlilega almenna leiðréttingu skulda heimilunum til handa, sem m.a. samflokksmenn Steingríms og þingmenn VG hafa talað fyrir.

Séreignagreiðslur framlengdar?

Stöðumat - Staðan við samningaborðið - Viljinn til árangurs.

Stöðumat:

Ríkisstjórn Jóhönnu Sigurðardóttur tók við ákveðnum "vandamálapakka" til úrlausnar í vor. Hann felur í sér ... a.m.k. enn sem komið er meinta ábyrgð Íslendinga sem þjóðar á gjörningum fallinna íslenskra einkabanka í útlöndum þ.e. endurgreiðslur til innistæðueigenda í Bretlandi og Hollandi. Vandamálapakkinn felur einnig í sér opinberar yfirlýsingar og gjörninga fyrri ríkisstjórnar (Sjálfstæðisflokks og Samfylkingar) frá því skömmu eftir hrun í október í fyrra sem áttu væntanlega að vera til þess fallnar að lægja öldur "þeirra líðandi stunda".

Langt fram eftir s.l. sumri fjallaði Alþingi um samning sem náðst hafði við Breta og Hollendinga um lausn "vandamálapakkans" enda eðlilega fyrirvari um samþykkt þingsins til fullgildingar hans. Með öðrum orðum þingheimur kom að málinu - ákveðið sameiginlegt "stöðumat" þingheims varð til, sem sannast m.a. af því að við meðferð þingsins voru gerðir á samningnum ákveðnir mikilvægir fyrirvarar.

Bretar og Hollendingar fellust ekki á samninginn óbreyttan með fyrirvörunum og voru gerðir við hann viðaukar ... talsvert þó í anda fyrirvara þingsins frá í vor.

Staðan við samningaborðið:

Íslendingar vita í dag vel hvernig Alþjóðagjaldeyrissjóðurinn hefur brugðist við í "okkar málum" og hvernig ofangreindur óleystur "vandamálapakki" við öflugar aðildarþjóðir í ESB háir samskiptum okkar við útlönd, endurnýjun trausts og þannig að ná ásættanlegri "skiptastöðu" íslensku krónunnar við erlenda gjaldmiðla. Helstu nágranaþjóðir skilyrða hugsanleg lán okkur til handa við útektir AGS sem (eðlilega) stjórnast aftur af sterkum straumum aðildarþjóða AGS. Óháð efnahagsleg úttekt eftir hrun er væntanlegum lánveitendum okkar eðlilega nauðsynleg.

Bretar beittu okkur hryðjuverkalögum og Hollendingar eru miklir og þekktir "business" menn - stórþjóðir miðað við okkur og verja eðlilega hag sinna þegna. Þeir nýta sér allar gefnar yfirlýsingar okkar á fyrri stigum málsins og eru óneitanlega "ESB afstaðan" í málinu eins og öllum hlýtur að vera orðið ljóst í dag. Staðan okkar við samningaborðið er allt annað en auðveld en við komum okkur í þá stöðu sjálf með eigin breytni, gjörningum og yfirlýsingum. Því má ekki gleyma þegar fólk tekur afstöðu til máls þessa á endanum ... úti í þjóðfélaginu eða á alþingi. 

Ríkisstjórnin valdi ákveðna aðila fyrir okkar hönd við þetta samningaborð og skiptir slíkt val þeirra auðvitað mjög miklu máli í samningaferlinu og hverju við náum fram ... verði samningur til yfirleitt.

Viljinn til árangurs:

Varla er hægt að segja annað um Jóhönnu Sigurðardóttur forsætisráðherra og Steingrím Sigfússon fjármálaráðherra, en að þau hafi sannarlega sýnt mikinn og viðvarandi vilja til þess að ná endum saman og ásættanlegri  breiðri "samstöðu" í þessu erfiða máli fyrir hönd þjóðarinnar. Auðvitað hefur gengið á ýmsu í ferlinu og kom meðal annars til úrsagnar eins ráðherrans úr ríkisstjórn Jóhönnu vegna einlægar festu og fylgni viðkomandi við eigin sannfæringu: Tón Ögmundar Jónassonar fyrrum heilbrigðisráðherra og "áminningu" hans til stjórnarliða um samhljóm við þingræðið!

Málið er nú að nýju komið að nýju í hendur þingsins og telur ríkisstjórnin, sem leggur hann fram til samþykktar fyrir hönd þjóðarinnar, að lengra verði ekki komist með hagsmuni okkar í stöðunni. Svo kann vel að vera og virðast fyrirvararnir sem alþingi náði saman um í vor talsvert inni í samningnum nú og þannig jákvætt fyrir okkur. Eðlilega nær maður aldrei öllu sínu fram í samningum því þá væri ekki um neitt "að semja"!

Gleymdi þingheimur ... sást honum yfir eða gerði hann einfaldlega mjög slæm mistök við meðferð málsins á þingi í vor? Hvað með eitt tveggja megin atriða lámasamninga eða samningsvexti lánsins. Tekið er á lánstímanum í fyrirvörunum en ekkert um hversu vextirnir mega vera háir. Ótrúlegt! Þeir eru að mínu mati allt of háir og gera lánið óeðlilega dýrt og þungbært þjóðinni - bæði með tilliti til tilkomu þessa sérstaka máls og eðlilegs hagvaxtar í vestrænu samfélagi ... sem langtíma vextir hljóta að þurfa að miðast við.

   

  

    

Lengra varð ekki komist

Tone for a New World's music!

Pleasing and promising news into the future for a new-policy breakthrough candidate.

Congratulations Mr. President Barack Obama!

Obama fær friðarverðlaunin

Góð fjárfestingin fyrir Noreg!

Málið snýst um að "selja" Norðmönnum hugmyndina um mjög góðan kost í fjárfestingu til framtíðar fyrir þá sjálfa og "virkja til vinnu" digra olíusjóði þeirra.

Þarna fengju þeir ekki aðeins einhverja eðlilega langtíma-vexti af framlögðu fjárfestu fjármagni með ríkisábyrgð Íslendinga um endurgreiðslu, heldur fæli slík "fjárfesting" Norðmanna á Íslandi til langs tíma í sér næsta augljós, margvísleg, aukin og að mínu mati - algerlega gagnkvæm og tímabær hagsmunatengsl frændþjóða.

Ekki er nokkrum vafa undirorpið í mínum huga að við Íslendingar sem þjóð, eigum mikið meiri samleið með Norðmönnum sem þjóð ... og inn í framtíðina, en nokkru sinni "Alþjóðagjaldeyrissjóðnum".

Norðmenn átta sig örugglega á þessu ... en það verðum við líka að gera!

Þurfa frumkvæðið frá Íslandi

Gegnheill velvilji - ákveðin blinda - góð ræða!

Ekki efast undirritaður um velvilja Jóhönnu Sigurðardóttur til handa þjóðinni, gríðarlegt vinnuframlag, ósérhlífni og heiðarleika.

Mér líkar hins vegar alls ekki og engan veginn aðferðafræði Jóhönnu sem hún hyggst nota og ögrar að mínu mati þingræðinu. Ég við það þegar Jóhanna ætlast til þess (eins og fram hefur komið í fréttum) að allir stjórnameðlimir ríkisstjórnar hennar "tali einu máli" í svar-frumvarpi ríkisstjórnar hennar til handa Bretum og Hollendingum - og nýjustu viðbrögðum þeirra við samþykktum alþingis frá því í sumar. 

Sú samþykkt er í fullu gildi, stendur ... fengin fram að fullum þingræðisreglum og með virðingu fyrir óheftu eðlilegu tjáningarfrelsi ... hornsteinum Stjórnarskrárinnar.

Þess vegna skilst mér að Ögmundur Jónsason hafi sagt skilið við ríkisstjórn Jóhönnu og ekki furða!

Að mínum dómi ættu allir sem telja sig "fullgilda", frjálsa og sjálfstæða einstaklinga - kjörna til Alþingis af þjóðinni og bera virðingu fyrir sjálfum sér, að gera slíkt hið sama ... sjái Jóhanna ekki að sér hér og skýri málið/breytinguna þingheimi og þjóðinni.

Telji Bretar og Hollendingar samþykkt þingsins "ósanngjarna" er þeim opinn kosturinn að senda málið til dómstóla ... en þar á máið best heima.

Ræða forsætisráðherra þótti mér heilsteypt og góð ... þó ekki sé öllum leiðum hennar sammála.

Slök þótti mér hins vegar orðræða formanns Sjálfstæðisflokksins ... þótt góðan vilja vanti ábyggilega ekki ... en Maður lærir ekki að vera foringi - maður er foringi  ... að eðlisupplagi!

Vill óráðsíu og græðgi burt

Eva Joly - þökk sé þér!

Sannarlega ánægjulegt að rannsóknum og aðgerðum sérstaks saksóknara fleygir áfram og óháð og hlulægt sjónarhorn og athuganir reyndra erlendra sérfræðinga á verk okkar Íslendinga undanfarin ár í fjármálageiranum, sanni nú væntanlega nauðsyn tilkomu þeirra þjóðinni til aðstoðar.

Ég tel það hafa verið ómetanlegt lán þjóðinni, að Eva Joly "rak á fjörur okkar" og samþykkti að vera ríkisstjórninni sérstakur ráðgjafi varðandi rannsókn "hrunsins".

Très très merci Mme Joly!

Grunur um fjölda brota

Mbl, vinsamlegast sannreynið fréttina!

Ánægjulegt ef Norðmenn hafa loks "hrokkið í gírinn" og séð að við eigum samleið ... enda líklegast ekki skortur á peningum þar til fjárfestinga ýmis konar.

Svona til þess að sýna tilhlýðilega ábyrgð á ögurtímum sem þessum... sérstaklega gagnvart frétt af þessu tagi,  þætti mér eðlilegt og í raun skilyrðislaus skylda mbl.is, að sannreyna fréttina strax með einhverjum hætti í Noregi og styrkja hana þannig stoðum beint þaðan ... helst áður en að þúsundir lesenda berja svona nokkur augum.

Bíð ábyrgra viðbragða mbl.is eins og við öll hin væntanlega.   

Vilja lána 2000 milljarða

Fylginn sér og athyggli verður!

Get ekki orða bundist ... en ég "tek hattinn af" fyrir Ögmundi.

Hann er einn fárra þingmanna (og ráðherra) sem virðist fylginn sér, virðir "formið", finnur til ábyrgðar gagnvart eigin orðræðum og þannig  gagnvart kjósendum og ber virðingu fyrir báðum.

Betra ef fleiri ráðherrar (yfirleitt) héldu sig við sannfæringu sína eins og Ögmundur frekar en að "blanda öllu saman" eins og oft virðist kjósendum ... eins sinni þegar þeir hafa komist í eina af framkvæmdastjórastöðum ríkisstjórna (ráðherraembætti).

Það er ekki bara í öllu eftirlits-, banka- og fjármálakerfinu sem sannarlega þarf að taka til, hreinsa út, endurnýja og skerpa á öllum leikreglum eftir hrunið og gera þannig alla hluti ... og þ.m. kerfið í heild sinni þjóðinni skýrari.

Það þarf sannanlega líka að gera þetta varðandi "aðferðafræði" þingmanna gagnvart "þinginu" og þó einkum þjóðinni, sem kaus þá sem fulltrúa sína til starfans á ákveðnum forsendum.

Takk Ögmundur.       

Ögmundur segir af sér